Tura, January 11, 2022: Ministry of Consumer Affairs, Food and Public Distribution-ni ge•etaniko man•soe, West Garo Hills a•jani Deputy Commissioner (Supply), NFSA scheme-ni gita AAY aro PHH Beneficiariy-rangna 2023 bilsini January jaoni December jaona mirongrangko japrakprako sualgen ine u•iataha.
Ia scheme-ni gita, AAY Beneficiary-rang japrako mirong kg 35-ko man•gen aro PHH Card gnanggipa nokdangni mande sakprakna mirong kg 5-ko indin man•gen ine u•iataha.
Tura Sadar Division-o donggipa pilak Fair Price Dokkan-ko chalaienggiparang ge•etgimin, gita AAY aro PHH Beneficiary-rangna mirongrangko indin sualna gita nanggen.
West Garo Hills a•jani Supply Department-ni staff aro membor-rang jinmana NFSA Scheme-ni bidingo agantalataniko on•na nanga, jedakode card donggipa pilak manderang maming dakeba ma•sisretjawa. Fair Price dokkanni nokgiparang beneficiary-rangna mirongko sualatengon, e-Pos transaction-ko ja•rikna nanggen ine u•iataha.
Je nokdangrangan, Ration Card dongkujachim, uamang ration card-na online apply ka•na gita man•gnok ine Supply Department u•iataha.
Beneficiary-rang http://megrcms.nic.in ona re•ange, Adhar nombor, biming, password aro gipin nanga lekkarangko upload ka•e register ka•na man•gen ineba u•iataha.