WTO, West Garo Hills a•jani DC-ko gronge, memorandum on•anga

0

Tura, May 25, 2022: Tura-ni ma•gipa dol chong•motan, Womens’ Trading Organisation (WTO)-ni dilgiparang Budbar salo, West Garo Hills a•jani Deputy Commissioner (DC) Swapnil Tembe-ko gronge uamangni segimin lekkako on•angaha.

WTO-ni Budbar salo DC-ko grongani miksongara Tura songjinmani dingtang dingtang rama sorokrango, mongsongbate Tura main bajaro jabolrangko skatang galengani gimin, salanti ja•achi re•enggipa manderang neng•nikani ong•enga aro jabolrangni senga mandena namgijagipa sabisiko ra•bana ama ine WTO-ni DC-na seatgipa chittio janapataha.
Uni gimin, Tura songjinmao jabolrangko chimongchakgipa kalbong ba dusbin-rangko chu•onga gita on•china, WTO-ni dilgiparang DC-ko mol•molangaha.
WTO-ni President Monika D.Momin-ni parakatani gitade, DC uamang baksa agangrikanio namen kusi ong•e, man•a dipet ta•raken iarangni bidingo kamrangko a•bachengatgen ine ka•dongani kattarangko aganchakataha.
Unbaksana, WTO-ni gita dingtangmancha a•dokni Skotong Minister Conrad Sangma-ko mol•molatengon, Tura songjinmako nitoatani ba beautification-ko tariengon, mikkangchi Tura songjinmako rongtale rakkiangna man•na jabolrangko chimongchakgipa Kalbong ba Dusbin-rangko chu•onga gita dusbin-rangko on•china department-ni authority-rangko ta•rake didiatpachina WTO mol•molataha.
Ia rongtal an•talatni bidingo kamrangko ka•angna WTO raken ja•kurangko de•enga ineba WTO-ni dilgipa Monika Momin parakataha.

Leave A Reply

Your email address will not be published.