Tura, May 11, 2022: A•doko Adhar Card tarie ra•na manderangni gisik nanggijaniko nike, Meghalaya sorkari General Administration Department-ni manderang West Garo Hills a•jao sal 300-na Adhar Card Campaign-ko ong•atanggen ine parakataha.
Iani bidingo Budbar salo bang•a Department-ni dilgiparang DRDA Conference Hall-o tom•e chanchirimaniko dakangaha.
Indake ia tom•anio West Garo Hills a•jani Deputy Commissioner Ram Singh, “an•chingni a•songo donggipa pilak manderangan Adhar Card-ko tarie ra•na nanga. Da•oni chasongo pilak kamnan Adhar Card-ko nanga, Social Security Scheme-rang aro poraienggipa chadamberang Scholarship-ko man•na gita Adhar Card-ko nanga” ine aganangaha.
Dadenggre Sub-Division-ni SDO (C) Officer Vibhor Agarwal, Adhar Card-ni gamchataniko 2017-oni a•bachenge enrollment process-ni bidingo talate on•angskaha. West Garo Hills a•jao 2022 bilsiona kingkingba 67% rangsan Adhar Card-na bimingtangko segattokaha. A•doko chu•gimik 100% Adhar Card enrolment-ko man•na gita Administration-ni manderang ia campaign-ko ong•atenga.
Ia campaign-ko a•dokni pilak a•jarangon ong•atanggen. Da•oni chasongo an•ching Adhar Card-ko pilak sorkarini kamna, scheme-rangna, ration card-na, driving licence-na, health care service-na aro bang•a dingtang dingtang kamrangna nanga.
Uni gimin sakantian Adhar Card-na bimingtangtangko segate ra•rikna nanga ine aganangaha.