Williamnagar, May 11, 2022: East Garo Hills a•jani skanggipa changna Meghalaya Games, 2022-o Boxing kal•susae chadambe sakgni Gold aro Bronze medal-rangko man•baha ine East Garo Hills-ni Boxing skigipa (Coach) Noyontho Marak koborna u•iataha.
Noyontho Marak-ni u•iatani gitade, Batsilbirth T.Sangma kg 54 ong•gipa Category-o kal•susae chegipa ong•enba Gold Medal-ko man•aha aro Sundayson Ch.Sangma kg 57 ong•gipa Category-o kal•susae Bronze Medal-ko man•skaha.
Ia sakgni chadamberang gisiko nangbee aro krenge kal•susaanichi 4-gipa Meghalaya Games, 2022-o skanggipa Boxing kal•susae medal-rangko man•chenggipa ong•achim. Uamangni iandakgipa kal•susaanio bakko ra•e medal-rangko man•baanichi Garo Hills-na namgipa mikkim rasongko ra•baha.