Resubelpara, May 11, 2022: North Garo Hills a•jani ning•o donggipa Dainadubai-o gital C&RD Block-ko songe on•china re•anggipa 2018 bilsioni dabina a•bachengaha.
Indake re•anggipa adita jana skangba Dainadubi Block Demand Committee, gital block-ko songe on•china dabie, Dainadubi-o dal•begipa rally-ko ong•atangha.
Indake ong•engon, da•al salni bakko a•dokni Skotong Minister Conrad Sangma-ko Dainadubi Block Demand Committee-ni dilgiparang Shillong songjinmao gronge Dainadubi-o gital C&RD Block-ko songe on•china dabie segipa memorandum-ko on•angtaiaha ine koborna u•iataha.
Unbaksana, Dainadubi Block Demand Committee-ni dilgiparang apsan salni bako C&RD-ni Minister, Hamlet Dohling, Kharkutta-ni MLA Rupert Momin, C&RD Department-ni Principal Secretary, Sampath Kumar aro C&RD Department-ni Director SC Sadhu-ko gronge, gital C&RD Block-na dabie segimin apsan memorandum-ko on•na baksa gital block-ni bidingo agan golpogrikangjolaha ine u•iataha.