Tura, May 20, 2022: West Garo Hills a•jani gitcham DC Ram Singh-ko kam ra•jitangani ja•mano, East Garo Hills a•jani DC Swapnil Tembe, West Garo Hills a•jani gital DC ong•e, mijal Bristibar salo kamko jako ra•eskaha.
“Anga West Garo Hills a•jani DC ong•e join ka•aha. Anga man•a dipet, West Garo Hills a•jako namdapatna jotton ka•gen. Indiba na•simang sakantini bakrimaniko nanggen. Uni gimin, hai an•ching sakantian nama miksonganio re•mikkange, West Garo Hills a•jako nambatgipa a•ja ong•atna pilak kamrangkon ku•monge ka•angna” ine WGH-ni gital DC, Swapnil Tembe ku•monge nama sikaniko on•ataha.