Shillong, May 20, 2022: A•dokni Deputy Skotong Minister Preston Tynsong Sukrobar salo Meghalaya a•dokni gitcham Skotong Minister aro AITC-ni dilgipa Dr. Mukul Sangma-ko tol•e niksamsoe aganronga ine matnangaha.
“Dr. Mukul Sangma-ni niksamsoanirang pangnan ong•rongja aro ua pangnan tol•e katchi nikronga. Batanggimin salrangoba ua NPP dolni MLA-rangko re•baenggipa eleksino bil aro chokkitangko gimaatelgnok ine katchi nike aganaha. Indiba uni ku•sikan uko chikpangpilaigen. Batanggimin 2018 bilsioba ua an•tangni ku•sikchi katta dal•a dal•ako aganani a•selo chokkitangko gimaataha. Re•baenggipa 2023 bilsini eleksinna gipin dolni MLA-rangko katchi nike agane rosogija Mukul Sangma an•tangan kensona aro simsaksona nanga” ine Preston Tynsong aganaha.