Tura, June 9, 2022: West Garo Hills a•jani Deputy Commissioner Swapnil Tembe salgnina joljol ong•atenggipa Tura Industrial Fair-ko Bristibar salo oprake on•angaha.
Tura Industrial Fair (TIF)-ko WGH a•jani District Commerce and Industries Centre (DCIC) Department-ni gita ong•atenga. Ia TIF-ko ong•atani miksongara a•jao an•tangna kamko bikote pale sime cha•enggipa manderangni rokomanti bosturangko dingtang dingtang bakrangona sokatna jotton ka•anian ong•achim.
Garo Hills a•jani bang•a manderang ia TIF-o bakko ra•na gita re•batokaha. Uamang Nokrekni bija bitchi, karitchi, kesunat, noksa salanirang, sol•e repe tarigimin bosturang aro rokomanti bang•a bosturangko mesokna aro palna ra•batokaha.
Ia Fair-ko June 10 tarikni pring 10 bajio kulianggen, uandake gisik nanggipa manderang Dakkopgre-o donggipa SMELC building-ona re•ange namnikatangko brena cholko man•gen ineba u•iataha.