West Garo Hills-ni sak 11 chatro chatrirang SSLC porikkao topper rank-ko man•a  

Tura, June 10, 2022: Meghalaya Board of School Education (MBOSE) HQ, Tura ia bilsini Secondary School Leaving Certificate (SSLC) aro Higher Secondary School Leaving Certificate (HSSLC) Arts Stream-ni porikka reault-rangko parakataha.

Indake ia SSLC porikka result-ko parakatahaon, West Garo Hills a•jani dingtang dingtang skul aro kolege-rangoni sak 11 chatro chatrirang Top 20-gipa List-o biming nakate Topper Rank-rangko man•tokaha. Uarangoni Dalu Woodland Secondary Skulni Te Arghadeep Saha skanggipa ba 1st Topper Rank-ko man•ne Garo Hills-na mikkim raaongko ra•baha. Gnigipa Tura Sheerwood Skulni Arghadeep Ghosh gittamgipa ba 3rd Topper Rank-ko man•aha. Brigipa Embee Rosebud Secondary Kulni Tra Subamitha Chowdhury dokgipa ba 6-gipa Topper Rank-ko man•aha. Bongagipa Baithbari Higher Secondary Skulni Tra Nice Parvin Begum skugipa ba 9-gipa Topper Rank-ko man•aha. Dokgipa Baithbari Higher Secondary Skulni Fatima Jesminara Begum chikunggipa ba 10-gipa Topper Rank-ko man•aha. Snigipa Dalu Woodland Secondary Skulni Te Biambong A.Sangma chi•sagipa ba 11-gipa Topper Rank-ko man•aha. Indake A•chikrangoni saksa mangmang SSLC porikkao Top list-o pass ka•e jatna mikkim rasongko ra•baha. Chetgipa Tura Sheerwood Skulni Te Dibya Sundar Banerjee chi•skugipa ba 19-gipa Topper Rank-ko man•ahaon, apsan Tura Sheerwood Skulni Tra Sanskriti Kumari Miahra 19-gipa Topper Rank-ko man•aha, apsan Tura Sheerwood Skulni Tra Taniaha Das 19-gipa Topper Rank-ko man•aha aro Phulbari Jawahalal Nehru Hr. Secondary Skulni Te Omor Faruk SK-ba 19-gipa Topper rank-ko man•aha. Skugipa Phulbari Jawahalal Nehru Hr. Secondary Skulni Te Mehedy Hassan Mollah 20-gipa Topper Rank-ko man•ne skulna rasongko ra•baha.