Nongpoh, June 9, 2022: Ri-Bhoi a•jani skotong songjinma Nongpoh-ni manderang china neng•nikaniko man•engani gimin PHE Department-ni manderangko nirok sandichina didiangaha.
“Mikka wachini somoioba Nongpoh songjinmani bang•a gittimrangon manderang china neng•nikaniko man•enga. Nongpoh jolrango sdongdongenggipa manderang salantio jakkalna chu•onga gita chirangko man•ja. China neng•nikenggipa bang•a manderang ia obostani bidingo Rangbah Shnong baksa agangolpoaha aro ia obostako PHE Department-ona ra•anggen ine aganaha” ine uamang koborna u•iataha.