Shillong, October 6, 2022: Re•baenggipa 2023 bilsini Assembly eleksin-o United Democratic Party (UDP) doloni susana sienggipa candidate-rangko State Eleksin Committee (SEC) seokani ja•mansa jinmana parakatggen ine UDP-ni General Secretary Jemino Mawthoh u•iataha.
Ri-Bhoi Unit-o UDP doloni chakatna sakgittam manderang tikitna galengaha. Indake ong•enggon, uamang State Eleksin Committee-ni raiko man•ani ja•manosa jinmana parakatgen ine koborna u•iataha.
Tikitna galenggipa sakgittam manderanga, Umsning elakkani Sunshine Marki, Mawhati elakkani Baiahunlang Makdoh, Jirang elakkani Badhok Nongmalieh ong•a. Makdoh aro Marki gital manderang ong•a, indiba Nongmalieh 2018 bilsini MLA eleksino BJP doloni chakatahachim, indiba rasong gribee chena man•jaha.
UDP dolni District Unit Umroi elakkao badia candidate-na tikitko on•gen, iani bidingo chanchikuja. Indiba Nongpoh elekkao UDP dolni MLA ong•enggipa Mayralborn Syiem-an chakatangtaigen.
UDP dolni Eleksin Committee, da•odipet darang candidate-naba party tikit on•na chanchianiko dakujaenga. Khasi aro Jaintia Hills-o UDP dol pilak elakkarangon susaanggen, indiba District Level Committee-ni raiko ra•chengesa Garo Hills-o candidate-ko seoke susaatgen ineba Jemino Mawthoh parakataha.
Ri-Bhoi UDP-ni General Council-ko Nongpoh-o songaha, jeon uamang gital Office Bearer-ko 2025 bilsiona seokangaha.
Gital seokako man•gipa manderangna Jemino Mawthoh kamrangko sualangaha aro uamangni Council-ko songanio UDP dolni bang•a dilgiparang dongpae bakko ra•angaha. Seokako man•gipa manderanga Donbok Khymdeit-ko District President, Balajied Rani, Sunshine Marki, Donkupar Sumer, Doris Sulei, RB Shadap-ko Working President, Rocky Khylla, Najim Kharmalki, CB Syiem, Elphin Kurbah, Sensi Lyngdoh, Baiahunlang Makdoh-ko Vice-President, Michael Kharhunai aro gipinrangko General Secretary-na seokangaha.