Tura, Sept 11, 2022:Tura-o skanggipa changna Skul Level Chess Tournament ba Chess Kal•susaaniko ong•atangaha.
Ia kal•susaaniko Garo Hills Chess Association (GHCA) Tura, West Garo Hills District Administration aro West Garo Hills District Sports Officer baksa bakrime ong•atangaha. Ia kal•susaaniko West Garo Hills a•jani Deputy Commissioner, Swapnil Tembe-ni dilanichi salgnina ong•atangipa chess kal•susaani chu•sokgipa ong•aha.
Ia kal•susaaniko chu•sokatna gita gisiko nangbee dakchakgipa aro agan ku•patie on•gipa GHCA-ni Adviser Dolrich Berin G. Momin aro Tura-o dokkan dakgipa Prime Alternatines-ni nokgipa Souvik Sanyal ia kal•susaaniko ong•atna gita tangka paisarangko on•ne dakchakpaani gimin GHCA dingtangmancha gisik ka•tong gimikchi mittepilskaani kattarangko parakataha.
Indake salgnina ong•atanggipa Chess kal•susaani Sonibar salo tom•tome matchotangaha.