Sal 10-na ong•atanggipa International Kickboxing Coching Camp tom•tome matchotanga
Tura, Sept 12, 2022:September 1 tarikoni 10 tarikona, World Association of Kickboxing Organisations (WAKO) India Kickboxing Federation-ni Darjeeling-o ong•atanggipa WAKO International Kickboxing Coaching Camp-o Meghalaya a•dokni sak 9 chadamberang Meghalaya State Kickboxing Association (MSKA)-ni gita bakko ra•angaha.
Ia WAKO International Kickboxing Coaching Camp-o bakko ra•egipa sak 9 chadamberanga Meranda T Mukhim, Jarmin M. Sangma, Mollin K Sangma, Saroj Rishi, Sparkle Rynghang, Khrawjutang M Kharsyntiew, Jezerel Sangma, George Sungoh aro Johny Ryntathiang ong•achim.
Indake September 1 tarikoni 10 tarikona ong•atanggipa WAKO International Kickboxing Coaching Camp-o bakko ra•giparang Certificate-rangko ra•chakani ja•man jinma apsan jachipchang ra•e kusi ong•aniko parakataha.
Ia International Kickboxing Coaching Camp-ko WAKO India Federation baksa a•gilsako mingsinggipa International Kickboxing Coach-rang bakrime ong•ataha aro ia a•gilsako mingsinggipa International Kickboxing Coach-ranga Italy a•songni Manual Nordio, Gianpaolo Calajo, Srdan Bugatic aro Norway a•songni Yvonne Murray Coaching Camp-o dongkame uamangni nambatsranggipa changa sapanirangko skie on•angaha ine koborna u•iataha.
Indake sal 10-na Darjeeling songjinmao ong•atanggipa, International Kickboxing Coaching Camp, 2022 Sonibar salo matchotangaha aro Meghalaya a•dokni bako ra•gipa sak 9 chadamberang baksa MSKA-ni dilgiparang noktangtangona tom•tome sokbapiltokaha ine u•iataha.