Tura-ni gitcham MLA UDP dolo napanga

0

Tura, Dec 29, 2022: South Tura-ni gitcham MLA Jhon Leslee K.Sangma, BJP doloni ong•kate, an•tangna chakgipa aro kam ka•giparang baksa December 28 tarik Butbar salo UDP dolo napangskaha ine koborna u•iataha.

John Leslee K.Sangma A•chik a•songo bang•a dilsretanirangko nike, an•tangni gisiko chaktojae, mikkangchi jat aro a•songna kam ka•angkuna miksonge, re•baenggipa 2023 bilsini Assembly eleksino 51-South Tura elakkao a•dokni Skotong Minister Conrad K.Sangma aro gipin political dolni candidate-rang baksa bilake susaanggen ine parakataha.

John Leslee K. Sangma, December 28 tariko West Garo Hills-ni UDP dilgiparang Rongram gitcham MLA Sengman R.Marak, South Turani gitcham Candidate Dr Pilne A.Sangma, Tinas Ch.Momin aro West Garo Hills District President Ludwig Sangma-ni dongpanio, UDP dolo napeaha ine u•iataha.

West Garo Hills District-ni UDP President Ludwig Sangma aro gipin UDP-ni membor-rang, UDP dolni palo John Leslee K. Sangma-ko kusi ong•bee rimchaksoaha. John Leslee Sangma-ni UDP dolo bakrimeanichi mikkangchi UDP dolko aro noksul elakkarangko bilakatna aro name kamrangko ka•angna man•gen, ine West Garo Hills, UDP dilgiparang ka•dongsoaniko parakataha.

Leave A Reply

Your email address will not be published.