Tura, December 7, 2021: Tura Don Bosco Higher Secondary Skul Section, pekgipa ringanirangko jakkalgiparangna mikkrakatani program-ko December 6 tarikoni 7 tarikona salgni joljol onga•atangaha.
Ia program-ko Don Bosco Tura Unit-ni Association of Past Pupils, legal aro medical expert-rang ong•ataha. Ia awareness ba mikkrakatani workshop-ko ong•atanio sak 700 mangna baten chatro chatrirang bakko ra•angtokaha. Indake ia program-ko Don Bosco Skulni Principal Fr. Jogesh B.Sangma-ni ka•dongatgipa katta baksa rimchaksoani kattachi a•bachengataha.
Ia awareness workshop-ko Association of Past Pupils, Tura Unit-ni Secretary Roger Benny A Sangma aro uni professional team skotong ong•e dilangaha. Uni team-o Health and Family Welfare Department-ni Psychologist & Counsellor aro DEIC, Nomitha K Sangma dongpae agan ku•patie on•angaha.
Unbaksana Association of Past Pupils Tura Unit-ni AdvocateTwinkle D Sangma, Vice President Dipu N Marak, Adviser David Ch Marak aro President Hilarius Ch Sangma ma•ang dongpaha.
Topics, pekgipa ringanirangko ong•gija jakkalaniko man•chape agan ku•patianiko on•angaha, maina ramram manderang pekatgipa ringani drug-rangko jakkale sabisirangko man•enga aro namgipa bimangni ong•siangoniko champengna gita ia program-ko ong•ataha. Indake ia workshop-o ong•gija drugs jakkalaniara songsalna namgijako ra•baa. Uni gimin janggi tanganio uamang badiako basegen, janggi tanganio nosto ong•aniko ma namgipa janghi tanganiko manderangna namgipa agan ku•patianiko, chatro chatrirang indake namgijagipa kamrangko ja•rikna nangja ine sidiangaha.
Indake workshop-ni bon•kamao namgipa agan ku•patianina chatro chatrirang, “Hoe janggi tanganio pekgipa ringanirangko jakkaljawa” ine kolege-ni skigiparangna ku•rachakan baksa mikkangchi indake namgijagipa kamrangko campus-ni ning•o aro a•paloba ja•rikjawa ine aganaha.