A•chik harvildar saksa Kasmir-o suuri ga•akdape sia

0
Resubelpara, December 2, 2021: North Garo Hills a•jani A•chik Havildar saksa 59 Field Regiment Artillary-o kam ka•e sianggipa Hempair R.Marak-ni manggisiko Bristibar salo Mendipathar Salpara-ona ra•baha.
Ua LoC Kasmir-o kam ka•mitting somoio rang•gitik suurirang ga•akdape re•anghipa November 28 tariko an•tangni ka•sagipa jik-dedrang aro maharirangko wate re•angaha. Uni manggisiko noktangona Bristibar salni pring 11 bajio ra•baha aro uko mande ra•e Salpara gopramo gopaha ine koborko man•aha.
Uni manggisiko gopani ja•mano Military-ni niamo pangchake Army-rang sianggipa nokdangni manderang, ma•drang maharirang aro noksulrangni dongpaanio mande ra•e kalimaniko dakangaha.
Unbaksana North Garo Hills a•jani District Pulis aro District Administration, Additional SP B.Kundu aro MSC, EAC Ma PK Sangma-ni skotong ong•e dilanichi uko bon•kame mande ra•aniko dakenba gopani somoio dongpaaha.
Leave A Reply

Your email address will not be published.