Tura, March 27, 2022: A•dokni Skotong Minister Conrad Sangma, Tura Civil Hospital-o Dialysis Unit-ko March 26 tarik Sonibar salo oprake on•angaha. Iako oprake on•ani somoio West Garo Hills a•jani DC Ram Singh-ba dongpae bakko ra•angaha.
“An•ching a•jao Dialysis Unit dongjani a•selo bang•a manderang Guwahati-ona tangka paisa bon•ne re•ange sanna bannaniko dakna nanga. Uamangni neng•nikanirangko chanchie Tura Civil Hospital-ona Dialysis Unit-ko ra•baaha, da•ode ka•sopo sabisi man•gipa manderang chel•a biapchi re•angna nanggija a•jatangon sanna bannaniko dakna man•gnok. Unbaksana Dalu CHC-o mikkang antini gisepon Ultrasound Machine-ko sokatgnok” ine Conrad Sangma aganangaha.
West Garo Hills a•jani Deputy Commissioner Ram Singh, Tura Civil Hospital-o Trauma Centre-ko kulie on•na nanggnok aro a•jani ning•tugipa songrangona Health Centre-rangko sokatna jotton ka•anggen ine agangskaha. Dialysis Unit-ni Nodal Officer Dr. Aaron M Sangma, Dialysis Unit-ko Tura Civil Hospital-ona ra•bae on•anichi da•ode kangal cholgri manderangba sanna bannaniko dakna man•gnok ineba aganangaha.