Resubelpara, March 27, 2022: Rongjeng Jambal UP Skulni gnigipa (assistant) skigipa Beldi Sangma MUPST-ni General Meeting matchote Shillong-oni re•bapilmiting somoio rang•gitik a•sel ong•aha ine kobor man•aha.
Koborni gitade, ia a•sel Robibar attamchibara North Garo Hills a•jani Resubelpara Gajing-o an•tangni nok sokna skang ong•aha. Ua bilongen saknaako man•aha aro bakan uko nambata sana bananiko on•na gita Guwahati-ona watataha ine u•iataha. Ua saknaaoni ta•rake nampilna man•a gita sakanti skigiparang aro manderang una Nokgipa Isolo bi•chakpachina nokdangni manderang mol•molataha.