Shillong, May 29, 2022: India a•songni nambatsranggipa Top-100 Private University-rangni gisepo Meghalaya a•dokni Martin Luther Christian University (MLCU) rasong gnangbee a•song gimikko 51-gipa gadangko man•eaha aro Meghalaya a•doko skanggipa gadango ong•eaha ine koborna parakataha.
Education World (EW) India Higher Education-ni Rangking System-o MLCU 854 score-rangko man•aha aro a•songni nambatsranggipa private University-rangni gisepo 51-gipa gadango donatako man•aha.
Martin Luther Christian University (MLCU)-ni Vice Chancellor Dr. TK Kharbamon aro Registrar Dr. Iwamon Laloo, University-ni palo New Delhi songjinmani Hotel Leela Ambience-o ong•atanggipa tom•anio Award-ko ra•chakeaha ineba kobor man•aha.