Tura, June 25, 2022: Meghalaya TMC bil ama dipet duko ga•akenggipa manderangna dakchakanirangko on•na kamko ka•enga ine parakataha.
TMC a•dokni kona noksik pilak songrango ong•anggipa obostarangna dakchakaniko on•na krengenga ineba parakataha.
Meghalaya a•dokni TMC dolni Joint Secretary, Manik Das aro gipin joltangni dilgiparang baksa South West Garo Hills a•jani Mahendraganj elakkao donggipa Ullubari songona re•ange chi bananichi neng•nikaniko man•enggipa manderangna cha•anirangko suale on•angaha.
TMC dilgiparang neng•nikenggipa manderangna mirong, dal, chini aro salantio jakkalenggipa bosturangko bang•a nokdangni manderangna suale on•angaha.
TMC dolni Joint Secretary Manik Das, duko ga•akenggipa nokdangni manderangna salantio chagrongenggipa neng•nikanirangko chel•atna jotton ka•anggen. “Chinga TMC dol a•dokni pilak biaprangona re•ange dakchakanirangko on•na kamko ka•enga” ineba u•iataha.
Mikka dondikgija waanichi a•dokni bang•a biaprangan nosto ong•atako man•aha. Indake song
dam 940-ni manderang, nokdang ge 4,384, hector 12 ba 15 a•arango ge•a gamanirang nosto ong•aha ineba parakataha.