Tura, June 25, 2022: Sorkarini Developmental Scheme-rango pangchake Tura town-ni dingtang dingtang gittimrangko namdapatatna tender-rangko on•ahani gimin A•konggre Sepoy Colony Development Committee (SCDC)-ni Preaident, PWD (Roads) Department-ni on•gipa tender-ko gale contract-ni kamko man•aha. Indake sorkarini on•gimin Improvement of Tura Town Internal Roads (under 5054) Gr.No 33-ni gita kamrangko a•bachengataha.
Indake, Sepoy Colony gittimo CC-foot path Auto level-ko kam a•bachengate, kam matchotsrangkujachim, indiba 85% de kamrang matchotaha. Indake ong•engon, Sepoy Colony gittimni saksa Bimal Dutta-ni depante Abhijit Dutta an•tangni pipeline-ko ra•angna tarigimin CC foot path-ko cho•na am•ani gimin Development Committee-ni President tarigimin CC footh path-ko cho•na on•jani gimin, Abhijit Dutta ka•onange Development Committee-ni President Mitison Sangma-ko dagrange dokna satna am•aha. Indake adita somoirangna jegrikani ku•rangko knae Mittison Sangma-ni jikgipa, jegrikgipa biapona re•ange niahaon, Abhijit Dutta, Mitison Sangma-ko jaksi todingdinge dokna am•ani gimin Mitison Sangma-ni jikgipa Abhijit Dutta-ko satkapatahani gimin Abhijit Dutta an•tang ong•gija kamko ka•eba bikpile Mitison Sangm-ni kosako pulisna badi ka•aha.
Abhijit Dutta, saksa Sepoy Colony gittimni manderang baksa meli nangrimgijagipa mande ong•achim, ia developmemtal kamko ka•na skangan Sepoy Colony Development Committee, gittimni manderang baksa meeting ka•e, gittim gimikna u•iatani (notice)-rangko on•nesa kamko a•bachengaha, indiba Abhijit Dutta changsaba Development Committee-ni meetingona re•bajaha aro indaken Development Committee-ni dongimin niamrangkoba ma•sijaha. Uandake jinmani aro gittimni namgnina developmental kamko ka•engon, jinmani gam jinko nosto ka•gipa Abhijit Dutta-ni kosako Development Committee, June 25 tariko Tura main thanao badi ka•pangpilskaha.
Mitison Sangma-ni aganani gitade, “Angko mai dakgen, anga RSS-ni mande” ine Abhijit Dutta, Mitison Sangma-ko dagrange ka•mikkenataha. Sepoy Colony gittimo rama tarimitting ong•ani gimin gittimni pipeline-rangko rubber pipe-rangchi chiko ra•angtokaha. Indiba kam matchotani ja•mano gittim gimikni pipe-linerangko name taripilna tik ka•aha, uni gisepon Abhijit Dutta saksa mangmang gittimni manderang baksa meligija, Development Committe-ni kosako dagrange, an•tangni sika gita gittimni namgnina tarigimin CC footh path-ko cho•e an•tangni pipeline-ko ra•angdrana am•ani a•sel gittimo so•sojengjeng ong•ataha.
Abhijit Dutta-ni kragija gittimni kosako badi ka•ani gimin, ia obostani bidingo sing•sandianiko dakna pulisrang Sukrobar salo Sepoy Colony gittimona re•angaha, indiba Development Committee-ni maming gualaniko man•jaha ine u•iataha.
Indake songsalni ba gittimni developmental kamko ka•engon, ong•gija mikbue kamko ja•donggaatna ba pengpangatna jotton ka•gipa Abhijit Dutta-ni kosako niam gita ja•ku de•e, niamo pangchake kragipa sastiko on•china, Sepoy Colony Development Committee dabiangaha, jedakode dingtang dingtang niamni section-rango pangchake jinmani namgnina kakket bichalko ra•bana nanga, ine badi ka•gipa lekkao janapataha.