Shillong, Jan 11,2023: Selsella-ni gitcham MLA Clement Marak-ni gritang Reynold Marak Monggolbar salo Congress dolo napeaha ine koborna u•iataha.
Social Media Coordinator aro Meghalaya Pradesh Youth Congress (MPYC)-ni General Secretary Junebirth C.Marak-ni u•iatani gitade, Congress dolni gitcham Rajya Shaba, MP Wansuk Syiem aro Meghalaya Pradesh Congress Committee (MPCC)-ni Working President Deborah C.Marak kusi ong•bee Shillong Congress Bhavan-o Reynold Marak-ko Congress dolona rimchaksoaha.
Unbaksana Butbar salo Tura-ni MP Agatha K.Sangma-ni jongsarigipa Chireng Peter R.Marak NPP doloni ong•kate, Congress dolo napeskaha ine kobor man•aha. Agatha Sangma jean Meghalaya a•dokni Skotong Minister Pa Conrad K.Sangma-ni nogipa ong•achim.
Kobor man•soani gitade, Chireng Peter R.Marak-na Congress party ticket on•naba donga ine u•iataha.
Chireng Peter Marak-ko Congress-ni gitcham Rajya Shaba MP Wansuk Syiem aro Congress Working President Deborah C.Marak kusi ong•bee rimchaksoaha.