Tura, January 11, 2022: West Garo Hills a•jani Deputy Commissioner of Supply, “Ministry of Consumer Affairs, Food & Distribution, Department of Food and Public Distribution-ni ge•etani gita National Food Security Act (NFSA), Beneficiary-rangni Aadhar Card-ko verify ka•na gita nanggen, jedakode uamang NFSA 2013-ni on•enggipa subsidy-ko e-POS device gita man•gen” ine u•iataha.
NFSA Beneficiary-rang jemangan, Aadhar Card tarikujaengachim, uamang sepangbatgipa Aadhar Enrolment Centre-ona re•ange enroll ka•ena gita man•gen. Ma•mong sorkari, Aadhar Card-na enroll ka•ani tarikko March 30-ona ra•doataha.
Uni gimin pilak Beneficiary-rangan an•tangni Adhar Card-ko Xerox ka•e, Fair Price Dokkanni nokgiparangna on•nena nanggen, jedakode uamang Deputy Commissioner of Supply-na mesokskana gita man•gen. Unbaksana Sub-Inspector of Supply, Fair Price Dokkanni nokgiparang Beneficiary-rangni Aadhar Card Xerox-ko chimonge, District Supply Office-na on•china ge•etaha, jedakode uamang Adhar Card aro NFSA Card-ko nangrimate tarina gita man•gen ineba u•iataha.