Tura, June 28, 2022: A•konggre Sepoy Colony gittimo ong•anggimin obostani bidingo a•sel chong•motko sandichenggija, Sepoy Colony Development Committee (SCDC)-ni President Mitison Sangma aro uni jikgipa Terak Sangma ‘mande dokna garisa manderangko hire ra•baa’ ingipa kattarang kakket ong•ja ine Terak Sangma jegalatskaha.
Terak Sangma-ni talatani gitade, “chinga Development Committee-ni dilgiparang gittimo ong•enggipa obostako namatna gitasa meetingko ong•ata mande dokna meeting ka•ja, gittimni manderang baksa apsan ku•monge development-ni kamrangko ka•angna gitasa Robibar salo meetingko ong•ataha.
Development Committee gittimo mai development-ko dakenga aro mani gimin meetingko ong•atachim, Hub News-ni reporter-rang re•bae sing•sandia dongja, sakgipinni tol•e agangipa kattakosa seataha ineba parakatskaha.
Gittimo mai obosta ong•engachim uko sandichenggija, skatang Sepoy Colony Development Committee-ni dilgiparangko matnanganiara, personally mandeko chonnikani ong•a, uni gimin Hub News mikkangchi a•sel chong•motko name sadichenggija skatang gatatna nangja ine Terak Sangma mikkrakatangaha.