Tura, June 8, 2022: MBOSE bilsini SSLC (Matric) aro HSSLC Arts Stream, Porikkarangko jemangan seahachim, June 10 tarik Sukrobar salo Secondary School Leving Certificate (SSLC) aro Higher Secondary School Living Certificate (HSSLC) Arts Stream-ni porikka Result-rangko parakatgnok ine Meghalaya Board of School Education (MBOSE)-ni Examination Controller, TR Laloo parakataha.
SSLC aro HSSLC porikka result-rangko parakatengon, porikka result-ni booklet-rangko chappa ka•jawa, je niamkon 2014 bilsio donahachim, iano pangchake result-ni booklet-rangko MBOSE office aro book store-rango man•jawa. Indiba chu•gimik porikka result-ni booklet-rangko MBOSE-ni Official website www.mbose.in oniko download ka•na gita man•gen ine u•iataha.
Parakatgimin porikka result-rangko Tura aro Shillong MBOSE Office-ni notice board-rango mesokjawa ineba parakataha.
Resultrangko ka•mao mesokatenggipa website-rangoniko sandina gita man•gen:
www.megresults.nic.in
www.meghalaya.shiksha
www.results.shiksha