Tura, June 8, 2022: Bharatiya Janata Party (BJP) North Eastern a•dokni incharge Ajay Jamwal, Tura-ona re•baenba mikkang bilsi 2023-o ong•atenggipa Assembly eleksinna tarisamsoanirangko nirok sandiangaha.
“Garo Hills-ni dingtang dingtang a•jarango salsa bate bate BJP dolona bang•a manderang naptokenganiko nikna gita man•a. Monggolbar salo ong•atanggipa BJP dolni tom•anio bang•a hajarni hajar manderang bakko ra•angtokaha aro gital napagipa manderangko rimchaksoaha. Ia tom•aniona NE a•jani BJP incharge Ajay Jamwal mongsonggipa sokgipa ong•e bakko ra•angaha. Unbaksana a•dokni President Ernest Mawrie aro Meghalaya-ni inchage Dr. Chuba Ao-ba dongpae bakko ra•angaha. Ia tom•anio BJP dolni bilsi 8-na man•gipa ba achivement-ni handbill-koba oprakangjolaha. Re•baenggipa 2023 bilsini MLA-na BJP dol ta•raken kamrangko ka•enga aro bang•a elekkarango chena ka•dongsoenga” ine Tura-ni BJP MDC Bernard N. Marak parakataha.