Ampati Jan 25, 2023: Monggolbar salo Flying Squad-rang South West Garo Hills a•jaoniko tangka gong lak 10.03-ko ra•sekaha ine koborna parakaha.
Iani bidingo Chief Electoral Officer (CEO) FR Kharkongor talatengon, je mandeoniko tangka ra•sekahachim, ua manderango mamingba sakkina lekkarang dongja ine parakataha.
Ra•seka man•gipa tangkani bidingo sing•sansianiko dakna donengkua ineba parakataha.
Kharkongor-ni parakatani gitade, Model Code Conduct-ko parakatani ja•mano darangba jako tangka gong 50,000-na bate ra•bitna man•jawa ine parakatmanahachim, indiba manderang manigija election-ni somoio tangkarangko ra•bitani a•sel flying squad-rang ra•sekaha.
Iandake tangka ra•bigiparangko aro vote pu•onchina tangka on•giparangko nirok sandina Election Commission of India flying squad-rangko donataha. Uandake, election-ni somoio tangka on•gipa aro tangka ra•chakgiparangko rim•na gita flying squad-rangko bing•tipe donataha. Uni gisepon tangka on•gipa aro tangka ra•chakgiparangko rim•a man•ode, dai gama baksana bilsisa pattoko chipatgen ineba parakataha.