Tura, April 17, 2022: West Garo Hills a•jani skotong Tura songjinmani sepango donggipa Tura Medical Kolege-ona re•anggipa rama sambao Roba Rongopgre LP Skulni obosta namen namsranggijaniko nikna man•a.Iandakgipa skulrangko sorkari, district administration aro education department nirok sandie kamko ka•na nangachim.
“MDA Sorkari Education-ko First Priority-o dongenchimode, maina Tura sepango donggipa skulko galchipe donenga, indakgipa skul nokko tarie on•na nangchong•mota. Indakgipa skul noko maidake bi•sarangna skie on•gen” ine AHAM-ni President G Prince Momin sing•doangaha.
Uni gimin ia neng•nikaniko man•enggipa Roba Rongopgre LP Skulko ta•rake District Adminstration niroke kam ka•atpachina AHAM-ni dilgipa didiataha. Batanggimin bilsignina covid sabisini a•sel pilak skulrangkon name ka•na man•jaha. Indiba ia bilsio skulrangko ka•piltaina nangengon, iandakgipa skul noko maidake bi•sarangko skul ka•anggen, skul nokni obostaan namsrangjajok ineba Momin parakataha.