Picnic cha•na re•ange Simsang chibimao bilsi 16-ni me•a bi•sa gimaa

0

Tura, April 18, 2022:West Garo Hills a•jani ning•o donggipa Gondenggre songni bilsi 16 ong•gipa me•a bi•sa Te Niksrap T.Sangma Sombar salo picnic cha•na re•ange East Garo Hills a•jani Samanda Rongkem Picnic Cha•ram biap Simsang Chibimao gimaaha ine kobor man•aha.
Ua Pa Withon Ch.Marak aro Ma Rabina T.Sangma-ni depante ong•achim. Uni Simsang Chibimao gimaako kobor man•ne, uko sandina East Garo Hills a•jani fire service, pulis aro rescue dolrang bakan picnic cha•ram biapona chawatangaha.Indiba koborni gitade, Robiar walo mikka waani a•sel ta•rakgipa Simsang Chibima dal•baha, indake ua me•a bi•sako man•pakangna nanga, uni a•sel ua biapo gimagipa me•a bi•sani manggisiko man•jaha ine East Garo Hills pulis parakataha.

Uni gimin, pilak picnic cha•na re•anggipa manderang chibima rikamrango an•tangtangko simsake naljokgipa biapo rona nanga ine East Garo Hills pulis mikkrakataniko on•ataha. Maina ta•rakbegipa chiring aro chibimarang chisamrango simsakgija romitting somoio rang•san man•pakangnaba donga, uni gimin chi rikamrango simsake rona nanga ineba pulis mikkrakatangaha.

Leave A Reply

Your email address will not be published.