Soi ka•gimin MoU-ni bidingo KHADC katchari-chi re•angna miksongenga

0

Shillong, April 27, 2022: Assam aro Meghalaya a•dokni sima-ario ong•enggipa kajia golmalni bidingo Khasi Hills Autonomous District Council (KHADC)-ni Border Committee-rang Katchari (Court)-ona re•anggen ine parakataha.

Assam aro Meghalaya-ni sima-ario meligrikgijagipa dam 12 songrangoni damdok songrangko sorkari dolgni MoU-o soi ka•grikaha.“Ia MoU-ko soi ka•grikanio adita songrang neng•nikaniko chagrongna nangenga. Skangni Atchu Ambi-oni man•rikrikbaenggipa a•arangko gipin a•dokona chapatako man•ahani gimin, dingtangmancha Co-ordination Committee-ko songe dam 5 Hima-rang baksa kam ka•na tik ka•aha” ine KHADC-ni warachakenggipa dolni dilgipa PN Syiem koborna u•iataha.

Iano man•chapgipa dam 5 Hima-rangara Hima Jirang, Hima Nongspung, Hima Mylliem, Hima Jyngam aro Hima Nonglang ong•a. Iani bidingo namgrikaniko ra•bana nangchongmotani bidingo agangrikna Co-ordination Committee raken ja•ku de•anggen ineba Syiem aganaha.

“Iani bidingo chinga ta•raken kam ka•anggen aro ian Committee-rangni gisik nange kam ka•aniosa pangchakgen” ineba ua aganaha.

“Meghalaya-ni Skotong Minister Conrad Sangma aro dakchakgipa Skotong Minister Prestone Tynsong, MoU-o soi ka•giminko maming dakna man•jawaha ine aganani gimin, chinga ia kamko ka•na draatako man•aha” ineba Syiem aganangaha.

Leave A Reply

Your email address will not be published.