Tura, 6 June, 2022: Meghalaya Environment Weekni bak gita, West Garo Hills a•jani Social Forestry Department, Chibragre, St.Thomas Higer Secondary Skul-o World Environment Day-ko “Only One Earth”, katta bi•chongo pangchake Sombar salo maniangaha.
Ia manianiona Skotong Miniater-ni Adviser aro North Tura elakkani MLA Thomas A Sangma mongsonggipa sokgipa ong•e bakko ra•angaha.
“A•gilsak gimikchin June 5 tariko World Environment Day-ko manironga. World Environment Day-ko maniani miksonganaria a•gilsako donggipa buring bolgrimrangko ripingnian ong•a. A•gilsakni ong•sianganiko champengna an•chingni jakon ong•a” ine Thomas Sangma aganangaha.
Unbaksana Social Forestry-ni Chief Conservator S N Sangma, a•jao koila bikotani bidingo jinmana agantalate on•angskaha.
“An•chingni salantio rang•sitenggipa balwao namgijagipa bibarang baksa brinchapaniko champengani cholrangko agantalatangaha.
Ia Manianiko St. John Higher Secondary Skulni Manager ba ia tom•anio dongpae jinmana aganprakangaha.
Uandake Thomas Sangma-ni jakchi Painting, Slogan writing aro Essay Writing-na susaagrikanio chegipa chadamberangna boksisrangko suale on•angjolaha.
Thomas Sangma skul nokni wilwilao World Environment Day-ko gisik ra•ani chin gita bolrangko ge•angaha. Social Forestry Department-ni Divisional Officer, Rikse K Sangma rimchaksoani kattarangko aganangaha, uandake Dadenggre-ni Range Forest Officer Salrimchi K Sangma mitelpilani kattarangko aganangskaaha.