Skotong Minister Pynursla Divison-o pangkamgipa janggi tangani cholko on•anga

Shillong, December 14, 2022:Meghalaya Sorkari uni songrangna namroroaniko ra·bana krenge kamrangko ka·engon, Skotong Minister Conrad Sangma East Khasi Hills A·jani Pynursla Division-o pangkamgipa janggi tangani cholrangko on·na gita tangkarangko aro jila kaanirangko suale on·angaha.

‘FOCUS+’ Farmer’s Welfare Programmeni ning·o tangka gong lak 33.40-ko ge 668 game cha·gipa nokdangrangna Skotong Minister suale on•angaha. Ia FOCUS+ko Meghalaya-ni pilak game cha·gipa nokdangrangna dakchakaniko on•na miksonge tariaha. Ian Meghalaya-ni dal·batgipa Farmers’ Welfare Program FOCUS-ni (Farmers Collectivization for Upscaling Production and Marketing System)-ko apalbatatna miksongani ong·a. Ia minggni Scheme-rang (Focus aro Focus+) Meghalaya a•dokni (Farmers Collectivization for Upscaling Production and Marketing System)-ara game cha•gipa nokdangrangna tangka gong hajal 10,000-ko on·ne namgniko on·na miksongani ong•a.

Skotong Minister dol 950 Self-Help Group (SHG)-rangna aro dol 80 Village Organisation (VO)-rangna gong kror 11.36 tangkarangko sualangaha. Una agreba, Rural Backyard PIggerry Scheme-ni ‘PROGRESS’-ni ning·o, mang 2000 wak bi·sarangko (bima mang-3 bipa mangprak), East Khasi Hills a·jani sak 500 game cha·gipa nokdangrangna sualangaha. Una agreba, high yielding variety-ni Kuroiler do·orangko sak 100 manderangna sualangaha.

Ia PROGRESS Scheme-ni gita sak 10,000 game cha•gipa nokdangrangna dakchakaniko on·na sorkari rake kamrangko ka•enga. Una agreba, a·doko wak aro do·o be·enrangko bariatna raken jotton ka·enga ine parakataha.

Indake ia tom·anio, Skotong Minister Conrad Sangma, “Chinga ia tangkarangko aro janggi gnanggipa jila kaanirangko East Khasi Hills a·jani game cha·gipa, Self Help Group (SHG)-rang aro Village Organisation (VO)-rangna namgniko on•na man·ne kusi ong·a. An·chingni sorkari Meghalaya a·dokni game ch·agiparangni janggi tanganirangko tang·doatna neng·takgija kamrangko ka·enga. Chingni miksonganide uamangna pangkamgipa janggi tangani cholrangko on·ne tangka paisa man·gnirangko changgni bariatna jotton ka·anian ong·a. Batanggimin, bilsibri atao, chinga dingtang dingtang namgipa cholrangko ra·baanio chegipa ong·aha, “ine aganaha.

Skotong Minister Conrad Sangma-ni agana gitade, Mini Secretariat Building, C&RD Block, Ekalavya Model Residential Skul aro Football Stadium-na pangchakani ro·ongrangko Pynursla Division, PWD (Roads)-ko oprake on·angaha.

Ia program-o Deputy Skotong Minister, Prestone Tynsong unbaksana Dasakhiatbha Lamare (Minister- PWD, Buildings), Hamletson Dohling (Minister-Community & Rural Development), Lahkmen Rymbui (Minister- Education) bakko ra·angaha.