Shillong, August 18, 2022: Meghalaya a•dokni Skoton Minister Conrad Sangma, Indiani jakgitelani salko maniengon, NPP dolni a•dokko tang•dodapatna ja•ku de•anirangko jinmana parakangaha.
Azadi Ka Amrit Mahotsav-ko maniangjolengon, Conrad Sangma, “Anga ia salo an•chingni pagitcham ma•gitchamrangko gisik ra•ata. Uamangni rakbee kam ka•anganichisa an•ching jakgitelko man•aha. Meghalaya a•dokba jakgitele a•doktangko man•a bilsi 50 gapaha, ian rasong chabeani aro katchabeani ong•chongmota” ine aganangaha.
Conrad Sangma-ni re•dilenggipa NPP dolni rakbee kamrangko ka•anichi a•doko namen tang•doaniko man•enga. Uamang INR 500-oniko INR 750 ba 50%-ni gita tang•dodapataha. NPP sorkari Meghalaya a•dokko National aro Global Destination ong•atna gita bimchipe ja•ku de•e kamrangko ka•enga. A•dokko tang•doatna gita songsalo dingtanganiko ra•bachengna nanggen.
Uni gimin Skotong Minister FOCUS aro FOCUS+ jean INR 10,000-ko bang•a manderangna on•engachim, ia scheme-ni gita manderangna dakchakaniko on•na ra•baaha. Sangma chadambe dolrangna YESS Meghalaya Scheme-koba ra•baaha, maina bang•a chadamberang INR 100,000 fund-rangko man•anggen. Uasan ong•aigija Conrad Sangma, Entrepreneur-rangna PRIME program-ko ra•baaha, jedakode uamang an•tangni bading chiwalaniko tangkame rakkiangna man•gen. Indake ASPIRE program-koba ra•bae chadamberangni ka•donganiko bariatna miksongenga, unbaksana Meghalaya Grassroots Project-koba ua ra•baaha jeon bang•a chadamberang an•tangtangni namgipa aro knatobegipa ku•rangko jakkale gitrangko ring•na man•gen.
Skotong Minister, jinmana aganprakengon, “Chingni NPP sorkari skul nokrangko, hospital-rangko, building nokrangko, rama sorokrangko aro water supply scheme baksana bang•a scheme-rangko ra•bae a•dokna dingtanganiko ra•bana kamko ka•enga. Indake rakbee kam ka•anichi 2018 bilsioni Meghalaya a•dokni dingtanganiko an•ching nikna gita man•enga. An•chingni a•dok NITI Ayog-oba name dakangaha.
Ua an•tangni agananirangko bon•atna skang, India a•song gimiko Meghalaya a•dokba Jal Jeevan Mission, MGNREGS, aro PMGSY scheme-rangni kamko ka•anio nambatgipa a•dok ine seokako man•aha. Indiba 2018 bilsina skangde, rural jolni ge 4,500 nokrangsan chi pipe line-rang dongaiachim, indiba JJM scheme-ko ra•banichi a•dokni 6.8 lak nokdangrango chirang dongaha. Ua bilsi 10 ja•man Meghalaya a•dokko maikai nikna sikenga uarangko gimikko janapjole parakangaha.