Skotong Minister-ko ka•mikkenate email watatgipa bobil dolko pulis ma•siaha

0

Shillong, April 8, 2022: Re•anggipa April 1 tariko Meghalaya a•dokni Skotong Minister Conrad Sangma-ko ka•mikkenate chitti seenba email watatgipa dolko Meghalaya Pulis sandie antisani ja•mao man•sina man•aha ine koborna parakaha.

Minggipin ka•mikkenate email watatgipa chittiara HNLC-ni gitcham dilgipa Julius K Dorphang-ko April 10 tarik Robibar salo watchina dabie seatgipa chitti ong•achim ine ma•sina gita man•aha.Dolsa gital bobil dol jean Lawei ba Phyrnai ong•achim, uamangni dabienggipa LP Skul-ko da•onaba chu•sokatkuja ine Skotong Minister Conrad Sangma-ko ka•mikkenate email ka•atahachim. Ua email-ko gital bobil dolni Publicity Secretary, HNLC-ni gitcham dilgipa Julius K.Dorphang-ko ta•rake watchina dabienba uko April 9 tarikni wal 10 bajio ISBT-ona rimange bus gario saksan watatchina dabie lekka seataha.

HNLC-ni gitcham dilgipa Julius K Dorphang re•anggipa 2017 bilsio bilsi chu•ongkugijagipa me•chik bi•sako til•ekani mamlao pangchake bilsi 25-na pattoko donatako man•ahachim.

Leave A Reply

Your email address will not be published.