Tura, Jan 4, 2023: Skotong Minister Pa Conrad K.Sangma Butbar salo Garo Hills-o skanggipa Ganol Hydro Power Project-ko oprake on•angaha.
Ia Ganol Hydro Power Project-ko ru•uta somoirangna donchipani ja•mano oprake on•na gita man•ahani gimin, Garo Hills-ni manderangna namen kusini ong•a aro gisik ra•na kragipa salba ong•a, ine Conrad Sangma kusi ong•ani kattako aganangaha.
Ia Power Project-ko oprake on•ani salo a•dokni Deputy Skotong Minister Preston Tynsong, Health and Family Welfare Minister James Pangsang K.Sangma, North Tura MLA Thomas A.Sangma, Williamnagar MLA Marcuise N.Marak, West Garo Hills Deputy Commisaioner Swapnil Tembe, MeECL department-ni Chairman-Cum-Managing Director Sanjay Goyal, gipin officer-rang aro bang•a manderang dongpae bakko ra•angaha.
Pa Sangma, kobor ra•timgiparangna aganengon, “An•ching sakantina namen kusi ong•ani, katchaani arogisik ra•ani sal ong•a. Ru•uta somoini ja•mano ia Ganol Hydro Power Project-ko da•alo oprake on•na man•aha aro matchotna man•aha. Ia project-ko matchotna man•anichi, an•chingni power generation-ni capacity-ko bariatna man•aha. Indiba bang•a kamrangko dakna nangkuenga, maina an•chingni a•doko power-rang chu•ongkujaenga. Indaiba ia project-ko matchotachi aro iako operationalise ong•atachi kraa gita power generation-ko bikotna man•gen.Anga dingtangmancha ia cholko ra•e, Deputy Chief Minister-ko, MeECL-ni Chairman-ko, pilak officer-rangko, kam ka•giparangko aro je manderangan ia project-ko chu•sokatna kamrangko ka•ahachim, sakantikon anga giaik ka•tong gimikchi mittna sika.Dingtangmancha ian Garo Hills-na aro an•chingna nen kusi ong•ani sal ong•a, maina ian Garo Hills-o ge•sa dal•begipa project ong•a. Ia project-ko ru•uta bilsirangna galchipe danahachim, indiba ia project-ko da•alo oprakenga aro dingtangmancha Meghalaya a•dokni manderangna dedicate ka•a” ine Pa Sangma aganangaha.