Tura, September 1, 2022: Lok Sabha-ni gitcham Speaker aro Meghalaya a•dokni Gitcham Skotong Minister Pa Purno A•gitok Sangma-ni bilsi 75 gapaniko gisik ra•e, Meghalaya a•dokni Skotong Minister Conrad Sangma Bristibar salo FOCUS+ Scheme-ni gita nokdang ge 1200+ manderangna dakchakanirangko on•angaha.
Meghalaya a•dok sorkari ia gisik ra•na
krabegipa salo tangka gong 32.30 lak-ko FOCUS Farmer’s Welfare Program-ni gita sualangaha aro tangka gong lak 12.69-ko FOCUS+ Benefit Scheme-ni gita Williamnagar jolni manderangna sualangaha.
Uasan ong•aigija, tangka gong lak 11.60-koba YESS Meghalaya Youth Empowerment Program-ni gita ge 23 dolrangna sualangjolaha.
Unbaksana Skotong Miniater Rural Backyard Piggery Scheme, PROGRESS-ni gitaba wak bi•sa mang 76-ko East Garo Hills a•jani seokako man•gipa manderangna on•angaha. Indake PROGRESS-ni gita ge 10,000 nokdangni manderangna dakchakaniko on•na miksongenga ineba ua aganangaha.
AMRUT 2.0-ni ning•o Williamnagar Urban Water Supply Project Phase-1-na Foundation Stone ba pangchakani r•ongko songe on•angaha. Ia tom•anio EGH a•jani sak 5000 manderang bakko ra•angaha aro ia tom•anio Housing and Urban Affairs-ni Minister, Kaushal Kishore ba bakko ra•angpaaha.
Skotong Miniater Conrad Sangma tom•anio jinmana aganprakengon, “Bilsi 4 athani gisepo MDA sorkari a•dokoni, bang•a kamrango gipin a•dokna bate nambatgipa a•dok ge•sa ong•enga. An•ching a•dokko National aro International Level-rango niksenganiko man•aha, jekai Tourism, Water Supply, IT Initiatives-na UN Award, aro bang•a kamrango niksengako man•aha. Anga Williamnagar Urban Water Supply-ko jinmana oprake on•angna gita angni pagipani atchiani salna bate nambatgipa salko nikatjaha. Chinga MDA sorkari a•dokni chadamberangna aro game ge•e chagiparangna, YESS Meghalaya aro FOCUS Scheme-ni gita bang•a dakchakanirangko on•na kamrangko ka•enga” ineba ua agandapangaha.