Sianggipa mandeni man•na nanggipa Pension-ni tangkako jikgipana on•jaenga 

0

Tura,Sept 19, 2022: West Garo Hills a•jani Social Activist Flaming Marak-ni parakatani gitade, sianggipa Aiwil R. Marak-ni jikgipa Simmith Ch. Momin da•ona kingkingba segipani pension-ko man•kujaenga ine koborna parakataha.

Simmith Ch. Momin-ni chawari Tony Ch. Marak-ni Flaming Marak-na u•iatani gitade, West Garo Hills a•jani Skotong songjinma Tura-o donggipa Kolege of Teacher Education-ni Principal July 25 tariko a•dokni Senior Accountant Officer-na lekka seate pension-ni, GPF aro gipin man•na nanggipa tangkarangko on•atchina mol•molataha.

Apsandake Assistant Accountant Officer-ba lekka sedoatenba Aiwil Marak-ni man•na nanggni tangkarangko on•atchina mol•molangaha.

Indiba lekkarangko nigrikon, uamang chu•gimik lekkarang document-rang dongjani a•sel tangkako on•atjaha aro Accountant General (A&E) office-ona nanggipa chu•gimik lekkarangko ra•bae on•china ge•etangaha.

Indake sianggipa Aiwil R Marak-ni chawari Tony Ch Marak-ni parakatani gitade, August 24 tariko Accountant General objection letter-ko on•na Kolege of Teacher Education Department-ona re•ange sing•sandianiko dakeaha.

Indake sing•sandianiko dakon, office-ni UDA Kalsin M Sangma dagrange ka•mikkenataha aro unbaksana office-ona re•bae ua an•tangni sikako dakna man•jawa ine aganne Tony Marak-ko dagrangataha.

Sorkarini dongimin Pension Rule-ni gitade, kamoni neng•tangni ba siani jagittam ja•mande, nokdangni manderang tangkarangko man•gen ine sea gnang.

Tony Marak-ni GPF-ko okna gita Form C-ko Kalsin M Sangma gapataha. Indake ong•engon ua form-ko name gapatjaha aro bang•a segualanirangko dakaha, jeni a•sel Senior Accountant Officer ra•chakna jechakaha.

Kolege of Teacher Education office-ni UDA Kalsin Sangma, August 24 tarikon Accountant General-ni Objection letter-ko man•soaha, indiba ua sianggipa nokdangni manderangna maming u•iataniko on•jaha. Objection Letter-o uamang chu•gimik document-rangkoform-o gapatna nanggiparangko kakket ong•e gapatchina didiangaha. Objection letter-ko man•soona kingkingba ua maming dakeba uko taridapjaha.

Ia obostani bidingo sianggipa nokdangni manderang Kolege of Teacher Education Department-ona re•ange sing•sandianiko dakon, Kalsin Sangma Peon-onikosa UDA kamona promotion man•gipasa ong•a ine Principal Dr. M A. Sangma aganaha.

Uni gimin Flaming Marak, UDA Kalsin Sangma kamtangko name ka•china aro mikkangchi darangkoba kam nangana re•angamitingo dagrange ropajachina mol•molataha.

Leave A Reply

Your email address will not be published.