Selsella Mothers Union rama taria namjani gimin jegala 

0

Tura, July 11, 2022:Selsella jolni Mothers’ Union-ni dilgiparang, Tura-oni Phulbario-na tarienggipa ramarang salsa ong•gijaan nosto ong•engani gimin jegalataha.

Uni gimin rama sorokrangko tarienggipa company-rang aro contractor-rang rama tarina on•atenggipa tangkarangchi name tarigenchimode, baikamgipa rama ong•genchim ine parakataha. Indiba contractor-rang tangkana mikkie chu•onga gita vitamin-rangko on•jaengani a•selsa salsa ong•gija rama sorokrang nosto ong•enga ine janapataha.

Ua tarienggipa ramarang salsa ong•gija nosto ong•aiode, tarieba namgni dongja ine Selsella Mothers Union-ni President Lucksmerry P.Marak janapataha.

Uni gimin, je ramako tarina tangkarangko chamataha name tarina nangchongmota. Gipin a•jarango chu•onga gita vitamin-rangko on•ne tarina man•ode, maina Selsela ramako name tarina man•ja. Ia ramako name tarichina changni chang mol•molahaoba knachakja, uni gimin mikkangchi rakbata ja•kurangko de•anggen ineba parakataha.

Leave A Reply

Your email address will not be published.