Tura, March 18, 2022: United Garo Peoples’ Forum (UGPF)-ni dilgiparang, Bristibar salo Selsella Block-ni ning•o donggipa, A•pal Chidinagre songona MP Agarwal Company-ni tarienggipa ramako nieaha.
“Chingna songni manderang badi ka•ani gimin, chinga MP Agarwal Company-ni kam ka•anirangko nina re•angaha. Chingni ua ramako re•ange nianio nikani gitade, MP Agarwal Company-ni kamrang namen namsrangja. MP Agarwal Company-ni sorok black topping on•ako jakchi kikgalna man•aia. Ua jolo songdongenggipa manderangni dabia gita ia namgija black topping on•gimin ramako name taripilchina jolni manderang, MP Agarwal Company-ko mol•molataha. Ia tarigimin ramako mandeangni jegale dabia gita chinga UGPF name taripilchina MP Agarwal Company-ko mol•mole donbaaha” ine UGPF-ni Preaident Togan Ch.Marak u•iataha.