Tura, Sept 30, 2022: Meghalaya Pencak Silat Association (MPSA)-oni saksa Tikrikilla jolni Sanju Rabha, October 1-oni 3 tarikona Kashmir a•doko ong•atenggipa 6-gipa Asian Championship selection trial-na re•angenga ine u•iataha.
Ua selection trial-ona Meghalaya Pencak Silat Association-ni Chief Coach Elbiston Marak re•dilanggen ine parakataha.
Jean ua selection trial-o select ka•ako man•ahachim, uamang October 11-oni 16 tarikona ong•atenggipa 6-gipa Asian Championship-o kal•susaanggen ine Meghalaya Pencak Silat Association-ni General Secretary Eddy D.Marak koborna parakataha.