Ampati, Oct 18, 2022:Re•anggipa October 13-oni 16 tarikona Ampati-o ong•atanggipa chang 8-gipa Triennial Conference of Baptist Women Conference Northeast India (BWFNEI) tom•tome matchotangaha.
Ia program-ko October 13 tarik atamoni a•bachenge October 16 tarik atamona ong•atangaha. Ia Program-ona Northeast a•jani ge•dok Baptist Convention-ni me•chikma dolrang bakko ra•angtokaha. Uaranga Assam Baptist Convention, Arunachal Baptist Convention, Manipur Baptist Convention, Kalbi Along Baptist Convention,
Nagaland Baptist Convention aro Garo Baptist Convention. Ia Program-ni miksongani ba (Theme)-ara “Women in Leadership Beyond Pandemic”-ni gimin dintangtang Topic-rango pangchake bang•en skie on•angaha. Skigiparanga Dimapur-ni Dr. Adela Mero Role of Women in the Church, topic-ko skie on•angaha. Gnigipa Cheryl Susan Tada Arunachal Women in the Family-ko skie on•angskaha. Gittamgipa Garo Hills-ni Sundar A. Sangma, Role of women in the Society-ni gimin skiangaha. Brigipa Dr. Bamin Tada Arunachal, Drug Addiction and Human Trafficking-ko skiangan baksa workshop-ko dakdilaha. Bongagipa Garo Hills-ni Dr. Bethel Marak Domestic Violence-ko skie on•angskaaha.
Indake attamanti giljaona re•bae bang•a manderang bakko ra•angtokaha ine BWFNEI-ni Secretary Bonjera A.Sangma kobor-na u•iataha.