Shillong, January 17 2023: Upper Mawprem-o ong•atanggipa BJP dolni tom•anio sak 1,000 me•chikrang BJP dolo napaha ine u•iataha.
Ia tom•anio Union Minister Of State Rajeev Chandrashekhar, BJP State President Ernest Mawrie aro Cabinet Minister Sanbor Shullai bakko ra•angaha.
Rajeev Chandrashekhar BJP dolo napgipa me•chikrangko kusi ong•bee rimchaksoengon, “BJP dolona napbagipa pilak me•chikrangkon anga kusi ong•bee rimchaksoa. An•ching pilakan apsan ku•monge Narendra Modi-ko bilakatna aro uni ramako re•na. A•dokna tang•doaniko ra•bana aro me•chikrangna kam ka•ani cholrangko on•na miksonge BJP dolni dilgiparang kamrangko kaanggen” ine aganaha.
Ernest Mawrie aro Sanbor Shullai tom•anio dongpae jinmana aganprakengon, dolona napbagipa me•chik sakantikon kusi ong•e rimchaksoangaha.