Baghmara, May 25, 2022:South Garo Hills a•jani ning•o donggipa Ruga-ona re•anggipa bus gari rama namjani a•sel Budbar attamni 4:34 bajimango Ruga sokna skang rama tong•sao naptome jachangaha ine koborna u•iataha.
Bus gario re•anggipa manderang Ruga-ona sokgija rama tong•sao jachange, adita kilo miter chel•gipa ramako ja•achi re•angna nangaha.
Ia Ruga ramani bidingo NGO-rang changni chang lekkarangko sedoe badi ka•ahachim, indiba darang MLA, MDC, district administration, department-ni authority-rang aro contractor-rang knachakjaha. Indaken songni manderang re•a doanio, mongsongbate wachini somoio namen neng•nikaniko man•tokenga ine songni manderang suk ong•gijaniko parakataha.
Indakgipa rama jal•angrangko songni manderang neng•skime salantio an•tangtangni dingtang dingtang kam nanganirangna re•na dona nangengon, basakoba sagipa manderangko ta•rake ra•angna man•jae janggi gimaaona sokenga.
Uni gimin, South Garo Hills a•jani district authority-rang, MLA, MDC-rang Ruga songni ramako ta•rake nirokatpachina songni manderang mol•molataha.