Williamnagar, March 5, 2022: East Garo Hills a•jani Rongjeng Model Degree Kolege-ko rika name matchotatjani gimin jolni dingtang dingtang namgrimgimin NGO-rang Sonibar salo tom•e chanchirimaniko dakenba namnikgijaniko mesokna jinma jegale re•jonmaniko dakangaha.
Ia Model Degree Kolege-n rikenggipa nokko name matchotatjahani gimin songtangni manderang aro dingtang dingtang NGO-rang, Skotong Minister Conrad Sangma, Agatha Sangma, James Sangma, Rakesh Sangma aro Lakhmen Rymbui-ni kosako jegale matnanganiko dakangaha aro uamangni kamrangko namnikjae chrik-a•boke jegalgrimangtokaha.
NGO-rangni talatani gitade ia Kolege-na nokchurako Rakesh Newar Sangma contract ra•e rikahachim aro ia nokko gadang gittam rikani ong•achim, indiba gadang gnikosan rikaiaha. Rongjeng jolo ia ge•samangmang Kolege-ko rikanio indake cha•boke rikaniara manderangni ra•chakna man•gijani ong•chongmota ine NGO dilgiparang agan talatangaha.