Resubelpara, March 15, 2022: North Garo Hills a•jani wilwilao donggipa A·king-Nokmarang, Sordar-rang, songni nokni dilgiparang, Mondoli-ni dilgiparang aro songni manderang baksa NGH a•jani District Administration, Additional DC, Magistrate, BDO aro gipin Official-rang Monggolbar salo Resubelpara C&RD Block Office-ko Damas-ona ra·jitangna am•engani gimin tom•e chanchirimangaha.
Ia tom·anio NGH a•jani Additional Deputy Commissioner, Zenithsky J. Sangma mongsonggipa ong•e, Resubelpara C&RD Block Office-ko Damas-ona ra·jitangna am·enganiko namnikama, namnikja jinmao sing•ahaon, Resubelpara jolni Nokma, Sordar-rang, songni dilgiparang Resubelpara C&RD Block-ko gipin biapchi ra·jitangna man·jawa ine jegaltokenba gital Block-ko songe on·china jinma dabiangskaha.
Iani bidingo Damas elakkani gitcham MDC Dolly K.Sangma, “chinga Resubelpara C&RD Block-ko ra·jitangna miksonge re·baja, indiba chingna gital Block-ko Damas jolo donggipa manderangna songe on·china gitasa re·baha” ine aganangskaha.
Resubelpara C&RD Block-ko Damas-ona ra·jitangna am·aniko knasoe, Resubelpara A·kingni Nokma Monosh M Sangma-ba ia Block-kode gipin biapchi ra·jitangna man·jawa, indiba Urban jolo Block-ko donna kraja ong·ode, Urban jolni chel·kalgipa biapo donna man•a, ua songrango donskachina Officer-rang Petition-ko Public meetingona ra·ange Mendipathar elakkani ning·o donggipa Damas-o gital Block-ko songskachina Officer-rangko didiangaha.
Unbaksana skangonin Resubelpara C&RD Block Office-ko rikna a·a on·gipa biap Songmegap (Boda Apal)-o dongenga.
Kosako janapgimin songrango Block Office-ko rikjaode Raja Apal, Dingok, Berubari, Rongrong aro Thapa bajar-ona re·sotgipa Damring chibimako dollong kaengahani gimin Thapa Darenchi aro Resubelpara jolni manderangna jakkaltogipa block aro re·tobatgipa ramarang ong•genchim, ineba janapangaha.
Boda A•pal-oni Dame A·pal gita Rangsel-onaba rama tariaha, indiba dollong aro culvert-rangko tarikuja, Raja Apal, Nehru bajar-oni namen sepanggipa biap ong·a. Ua biapo rikahaode Resubelpara elakkani ning·o donggipa songrangni bijangchigipa biapba ong•enga ineba janapataha.
Indake ong·engon meetingo tik ka·gimin gita Mendipathar elakkani ning•o donggipa Damas jolna gital Block-ko songe on·china Zenith Sky Sangma-ba janapangaha.