Resubelpara, March 13, 2022: Rongrong elekkani MDC Te Rinaldo Koksi Sangma, Resubelpara Community and Rural Development Office-ko ra•jitna am•aniko raken jegale NGH a•jani Additional Deputy Commisioner aro Rural Development Agency ni Project Director na lekka sedoataha.
”Additional Deputy Commisioner aro Project Director, NGH a•jani A•king Nokma aro songni sordar rangna March jani 15 tarik o Resubelpara Community and Rural Development Opis nok ko gipin bi•apona jitangskana ine ku•mong nangrimaniko dakna lekkako seataha. Ia Block Opis ko 1953 bilsini March 15 tarik o kuliaha aro ian North East India o skanggipa aro gitchambatsranggipa Block Opis ong•a. Unsaloni ia Block Opis a•jako nitodapatna aro tangdodapatna kamko ka•enga. Ia opis nok ko gipin biap rangona jitanggenchimode manderangna bang•a neng•nikani ong•an baksana, NE gimikko skanggipa opis nok ong•enba chingni a•ja o songako man•e chingni mikkim rasong ba ong•a. Uni gimin anga ADC aro Project Director ko uni Resu C&RD Block ko apjitgija apsan biapo donaichina molmolna ska” ine Te Rinaldo Sangma aganaha.