Re•baenggipa 2023 bilsini eleksino Congress aro NPP bilake susagriken: Deborah

Tura, March 5,2022: Meghalaya Pradesh Congress Committee (MPCC) dolni President Ma Deborah C Marak, re•baenggipa 2023 bilsini eleksino Congress dol NPP baksa bilake su•sagrikaniko nikna man•gen.Da•o gitalgipa TMC dol re•baenggipa eleksino cherikna man•jawa aro uamangni vote-ko channe nioba komigen. Congress dolo MLA-rang komigenchimoba, ia dol da•ona kingkingba bilake dongenga. Congress-ni vote bank da•alona name dongenga aro vote-ko pu•ongiparangsa dilgiparangko seoka ine ua kobor ra•timgiparangna aganaha.
Re•anggipa bilsio sak 12 MLA-rangni AITC dolo napanganiara je manderangan batanggimin bilsio Congress aro NPP dol nasan vote-ko pu•onachim uamangni vote-ko ma•ekata gitasan ong•aia ineba ua agandapataha.