Shillong, Dec 30, 2022: Khasi Hills a•jani ning•o donggipa, Rambrai Jyrngam elakkani gitcham MLA, Kimfa Sidney Marbaniang, December 29 tariko NPP dolo napeaha aro re•baenggipa 2023 bilsini Assembly eleksino Rambrai Jyrngam elakkao NPP party-oni susaanggen ine parakataha.
A•dokni Skotong Miniater Conrad K.Sangma, Deputy Skotong Miniater Preston Tynsong, Nartiang-ni MLA Sniawbhalang Dhar, NPP Spokesperson Dr Ampareen Lyngdoh, Nongstoin-ni MLA Macmillan Byrsat, NPP dilgipa Mohendro Rapsang, NPP State Secretary Bajop Pyngrope aro gipin NPP dilgiparang, Kimfa Sidney Marbaniang-ko kusi ong•bee NPP nokdongona rimchaksoaha aro mande ra•aniko dakangjolaha ine koborna u•iataha.