Pulis saksa bilsi 16-ni me•chikko ka•samike togia

0

Tura, September 30, 2022: Kobor man•soani gitade, pulis saksa bilsi 16-ni me•chik saksako ka•samika dake ra•na dongna ku•rachakenba me•chikko oko dongatani ja•mano gale kataha.

Duko ga•akgipa me•chikni kobor ra•timgiparangna u•iatani gitade, Ampati Latrigre songni saksa pulis ka•enggipa, Benedict M.Marak baksa batanggipa 2020 bilsioni facebook-o ripeng dake mikcha ka•sagrikna a•bachengaha. Indake Benedict Marak, 2020 bilsini December 24 tariko me•chikko grongenba bia ka•na ku•rachakani gimin me•chik an•tangni poraiako dontonge, ua me•sa baksa dongna sike uni nokchi re•angaha. Indake bilsigni mang bate mikcha ka•sagrikani ja•mano gale kataha.

Indake re•anggipa June ja dipet, ua me•asa me•chikni phone ka•ako ra•chakjaha aro me•chikni facebook, whatsapp, phone number gimikko block ka•e donaha. Ua me•asao dedrang sakgittam dongachim, indiba jikgipade dongja, indaken ua me•chik uni nokchi re•angode, bi•sarangko ka•sae nirok simsakachim ine u•iataha.

“Angni segipa, angni phone-ko ra•chakjani gimin anga uni nokchi re•angaha, indiba angni segipani ma•gipa angko kusi ong•e rimchaksoja aro bi•sarangkoba dangtapnan on•jaha. Angni segipako grongna am•oba on•jani gimin, anga duk ong•e nokona re•napile, angni janggi tanggniko nosto ka•ani gimin, re•anggipa September 17 tariko anga, angni segipani kosako Pedaldoba Pulis Out Post-o badi ka•aha” ine me•chik koborna u•iataha.

Ua me•chik West Garo Hills a•jani Tikrikilla Pulis Station-ni ning•o donggipa Pedaldoba Pulis Out Post-o badi ka•ahachim, indiba ua me•chikko Ampati Court-osa statement ra•na okamatenga ine u•iataha.

“Anga da•o oko donga jadok ong•ahani gimin, chel•a biapchi songrena namen neng•nikani ong•enga, uni gisepon angko chel•begipa Ampati Court-o statement ra•na okamatenga” ine duko ga•akgipa me•chik suk ong•gijaniko parakataha.

Leave A Reply

Your email address will not be published.