A•dok sorkari, central fund kror 4000-ko on•atpilani gimin Maikhuli songni saksa suk ong•gijako parakata
Maikhuli, Sept 29, 2022: Ri-Bhoi a•jani ning•o donggipa Maikhuli songni dilgipa saksa re•anggipa September 20 tarikni songbad-o Controller Audit General (CAG)-ni report on•ani gitade, a•dok sorkari gong 4000 kror-ko 2021 bilsio ma•mong sorkarina on•atpilaha ine parakatanina suk ong•gijaniko parakatskaha.
A•dok sorkarini on•atpilgipa tangkarangara 10 plan Scheme-na on•atgipa ong•achim. Ma•mong sorkarini sanction ka•atgipa chu•gimik tangkarang gong 8333.61 kror ong•achim, iarangoni bangkirangko koros ka•e, gong 4000 kror-ko on•atpilaha.
Ia tangkarangoniko gong 2947.38 kror-kode, on•atpilaha, ia tangkarangara dingtangdingtang department-oni on•atpilaha. Indake gong kror 300-ko 2020 aro 2021 bilsio on•pilataha. Education department-ni gong 470.28 kror, Sports and Art & Culture department-ni gong 301.07 kror, Social Welfare, ICDS department-ni gong kror 471.72-ko on•pilataha ine CAD report-o parakaha.
Unbaksana Secretariat Economic Service-ni gong 538.50 kror, Housing and Rural Development aro PWD (roads) Scheme-ni gong 404.68 kror-ko on•atpilaha ineba CAG report-ko on•aha.
Uni gimin, “anga Skotong Minister Conrad Sangma-ko sing•na sikenga, ia fund-rangko maidake implement ka•na man•ja aro ia fund-rangko maina on•atpila. Chingade Meghalaya aro Assam border Guwahati-o donggiparang ong•a, indita bilsi ong•piloba on•tisa ramarangkon chingna tarie on•ja. Chinga Kanapara-oni Pillingkata-ona ramarangko tarie on•china dabienga, indiba uarangkon on•tisaba tarie on•ja. Indide ia PWD (roads)-ni tangkarangko gong 404.68 kror-ko maina on•atpila. Ia Centre Scheme-rangko maina jakkalna changja. Meghalaya a•dokni dilgiparang maming capacity dongjama, ma kam ka•na bilgri ong•ama, ma tangkarangko jakkalsretnasa donengachima” ine Maikhuli songni Henith Marak sing•doangaha.
“Ia obostani bidingo anga ma•sina sika, maina iarangara Skotong Minister aro gipin mongsonggipa dilgiparangni kam ong•a. Uni gimin jemangan Cabinet-ko chalaienga aro sorkariko rikenga, iarangko namedake jakkalna nanga. Indiba da•o on•atgimin tangkarangko jakkalna changjae on•atpilenga. Inake tangka paisarangko jakkalna changjae, on•pilataniara Meghalaya sorkarina namen kratcha•beani ong•a” ineba Henith Marak janapataha.
A•dok sorkari, ma•mong sorkarini on•atgimin indita tangkarangko watatpile, da•o iarangko koros ka•na gita cholan dongjaode, maidakgipa sorkari ong•gen. Uni gimin angni sing•anide ong•a.
Ia sing•anirang Skotong Minister-ona sokangna nanga aro sing•anirangko chinga bang•bata legislator-rang, jerangan MLA ong•e dongengachim, uarangba u•ina aro ma•sina nanga. Indiba maidake ma•sija aro maidake ia grant-rangko implement ka•na man•ja. Uni gimin anga namen duk ong•a, ia tangkarangko indakpile jakkalna changjae, on•atpilani gimin gipin a•dokni manderangde aro Assam sorkaride iandakgipa Centre Scheme-rangko ra•bae, Rural Border Road Development, iandakgipa scheme-rangchi rama ge•antiko border-rango tarie on•a. Indiba Meghalaya sorkari maina iarangko kam ka•na man•ja. Uni gimin ia tangkarangko on•atpilana batede, iarangko implement ka•ode nambatgenchim, ine janapataha.
Uni gimin ia kamrang Meghalaya a•dokna namen kratcha•ani aro dukni katta ong•a ine janapatenba, “an•chingni dilgiparang an•tangtangni inability ba capacity donggijako mesoka” ineba janapataha.